呢個標題裏面嘅好多文章，都係豬仔(我家裏的大宝號)同一位舊學生嘅通訊電郵。本來起名為『安寧札』。但係現時世界，既不安，亦都唔寧。唯有放棄呢個並不寫實的名字。另外一個選擇，就係『降靈』，不過呢個名好得人驚，殺氣好重，豬仔乃迷信之人，都係唔用的好。後來忽然想到，我寫嘅小說之中，有一個人的名字就叫做『看寧』，即刻就選擇咗佢。呢位人士唔單止係外星人，仲係來自另外一個時空。不過佢喺小說裏面嘅作用，尚在發展之中！不過呢，肯定係一個多情種啦！
二零二零六月夏
備註：嘅- 廣東話，『的』也；咗- 『了』也；唔者，『不』也。
網頁底面來自，作者叫AoSin (pixabay.com)的作品，題名大概是Cosmos Mystic Girl)。我用陽化(Solarize)處理過 。一個人影望著一個星球，另外有三個視窗，意境非常吻合『看寧』呢個人物。佢來自另類時空，具備『天眼通』，可以同時視察數個時空的世界。佢接到命令，來到地球尋找傳說中嘅超神『一』。喺餘暇之時，佢為論文『星空愛情比較觀』找尋資料。發現一個愛情故事，其中嘅女主角令到他產生興趣，於是喺時間洪流中尋找呢位女士。之後，他就失去踪影。