自從中學嘅年代，到現在即將退休，幾十年嘅科學研究生涯，唔需要緊記，都會知道，單一個案嘅實驗觀察(Observation)結果，唔可以做出結論。不過避免你駁嘴，不妨先講下，有啲嘅實驗，就算係單一個案，都可以非常準確。譬如你將一隻普通玻璃杯，垂直五尺跌向一塊石板地，杯破碎。『普通玻璃杯垂直五尺跌落石板會破碎』呢個結論差不多係100%準確。[但係如果搬到外太空就唔識用啦！]
相反過嚟，如果隻杯唔會碎，麻煩就大啦！我哋要重複去做呢個實驗。如果發覺只有呢隻杯唔會碎，就要研究一下呢隻杯嘅構造啦。可能會有非常偉大嘅發明走出嚟！
社會學嘅方面，極端嘅例子嚟講講。一個人殺咗另外一個人。結論就係『佢殺咗一個人』。唔需要佢殺多幾個人嚟證明。至於由呢個單一個案，係唔係可以指出，每一個人都『可以/能夠』殺人呢？可以思考一下。
自從一月底開始，中國政府就非常努力找尋，任何有利於擺脫病毒爆發點的『資料』，想將病疫的爆發源頭轉移到美國。由於美國，每年秋季起〔九月〕，都會爆發流感而死很多人，而一直到三月前，美國都唔係點樣測試呢隻病毒，就給予咗中國政府一個響亮的借口，認為病毒疫症一早就喺美國爆發咗。只不過係冇檢驗出嚟。聽起上嚟，就好似好合理嘛！
二月初，就收到太座夫人的中國朋友
傳播這種說法。源於美國CDC的流感公開
報告，2019－2020流感季，死亡嘅人數已經’
達到16000人。但係佢哋就無拜讀CDC喺呢十年之內嘅流感
報告。就以2018尾年至2019年春嘅流感季節，據CNN引述美國CDC的數據，
就有八萬人不幸亡故；2012－2013就有五萬多往生。所以說，用一個單一數據去做結論，係非常唔可靠。
其實還有一個好大嘅疏漏。流感病人死咗，最初美國醫生嘅注意力『可能』不一定太大。因為習以為常。但係只要有些少嘅醫生或者護士，感染同病人一樣的症狀而入急症室，甚至死亡。咁樣嘅事情必然鬧大爆光。因為醫生條命比一般人貴重好多。而容易感染醫務人員，正是這種病毒嘅流行特點之一。由其美國醫生護士都冇用防護裝備的習慣（我入過一次急症室，沒有見過一個醫護人員戴口罩），點樣可以避過感染呢？點樣可以避過傳染給同僚？喺二月中之前，根本冇聽到有呢類嘅訊息。
同中國有天淵之別，美國新聞自由度大得可怕，有各式各樣嘅傳媒，每日都喺度挖掘找尋(甚至製造)新聞！更甚者，專找政府或敵對政黨或派系的「麻煩」。所以唔可能走漏噉熱的新聞。如果冇足夠啲呢D案例，就唔能夠支持呢隻病毒嘅醫護傳播模式，也自然推翻中國的指控。
其實呀，從常識嘅角度去看，又或者從流行病學去分析，中國武漢係呢隻病毒嘅最早『暴爆』點，是不可抵賴得了。當然，身為中國人，是不願意接受呢個事實。下一篇，我哋會講到軍人運動會，是個類似個案！
二零二零年六月夏