長期以嚟，都有人話美國係霸權主義。今時今日，亞洲眾多小國也說大大中國係新霸權主義。罵得兇嘅竟然仲係同樣一個統治模式嘅越南。奇怪，如果唔靠中國的幫手，越戰時候，又點打得過美帝國呢？。中國人自然罵她忘恩負義喇!
這個霸字的深層意義，包括咗統治同埋剝奪。記得歷史課的春秋五霸嗎？呢幾位霸主都總算有啲節制，只要你認佢做大佬，奉上『著數』，還可以避過滅國之災，當然最細嘅國家是例外。後來居上嘅霸王，就專心一致要消滅其他的國度，統治和同化其人民。
最後秦國統一中原，係中國第一個嘅皇帝皇朝。大約係一千四百年之後，蒙古人，也算中國人啦，一直打到中亞細亞和莫斯科，雄霸半個天下。滿清皇朝，其實都唔執輸的。現在嘅青海，新疆和西藏，都係佢
打返嚟。其佔地面積可以比美中原。不過，比秦帝國和蒙古人更加威水嘅，係大英帝國。曾經國旗無日落。但係大英帝國嘅統治手法同埋哲學，同以前嘅霸主相比，有頗不同之處，是為殖民地主義嘅開端(並不致於滅國呢)。最早嘅英國殖民地可能就係美洲東岸，當時亦都曾經大開殺戒，但之後的殖民地政策，就冇將消滅一個國家或者民族作為最終目標。英國人追求的係當地人民嘅生產力，和其產生嘅財富，源源不絕咁運返去大英帝國，繼續擴展殖民。呢種唔趕盡殺絕嘅做法非常成功。其最失敗的政經策略是將鴉片強行運入中國。這種物質最終遺害全人類。
備註：清皇朝曾經差不多將所有的維吾爾族人殺光。蒙古人嘅殘忍好殺，令到中國人蒙上黃禍的歷史招牌。西方國家對不同民族嘅迫害屠殺，最厲害是西班牙人對中南美洲嘅印加族人。英國人對美國國土上嘅印第安人。同樣背負滅族屠殺的臭名。